Туристи панично бегаат од плажа, додека чадори за сонце летаат како да се од пердуви – сето тоа може да се види на драматично видео од популарна италијанска плажа, која вчера беше погодена од торнадо.
Страшните сцени се забележани во приморското место Макарезе, северно од Рим. Десетици исплашени капачи во костими за капење трчаа без контрола пред страшниот вртлог кој ги корнеше чадорите од песок и ги носеше во воздухот. Туристите и мештаните ги стегаа своите лични работи до себе – барем она што успеаја да го земат во моментот – додека бегаа на безбедно, а торнадото продолжи да беснее низ преполната плажа.
View this post on Instagram
Хаос на плажите во Италија
Интересно е што некои храбри туристи одлучија да останат на своите лежалки – седеа и гледаа како ветрот им ги носи пешкирите, пишува британскиот “Daily Mail”.
– Времето одеднаш се влоши и почна да дува силен ветер. Сè траеше само неколку минути, но луѓето беа преплашени. Веднаш притрчав да помогнам – изјавил за Adnkronos Ѓанлука, бармен на плажниот бар, пренесува “MeteoWeb”.
Според извештаите на локалните медиуми, една жена е полесно повредена.
Во друг видеоснимак, снимен истата вечер околу 13 часот по локално време, можеа да се видат огромни морски вихори (познати како „пијавици“) кои наликуваат на торнадо, како се појавуваат над водите кај делтата на реката По, на источниот брег на Италија, на Јадранот. Еден локален водич ја прекинал туристичката тура со чамец за да го сними овој спектакл.