Европската Унија очекува да мобилизира повеќе од 400 милијарди евра инвестиции до 2027 година за Global Gateway, програмата на ЕУ за зголемување на инвестициите во Глобалниот Југ, изјави претседателката на Европската комисија, Урсула фон дер Лајен, објави Ројтерс.
Програмата Global Gateway првично беше наменета да инвестира 300 милијарди евра, од кои половина во Африка, во периодот од 2021 до 2027 година, како алтернатива на конкурентската шема од страна на Кина.
Проектите се во области како што се енергетиката, транспортот, образованието и истражувањето, заедно со партнерствата што ќе ѝ помогнат на Европската Унија да обезбеди минерали критични за нејзината зелена транзиција и да ја намали својата зависност од Кина.
Таа рече дека ЕУ денес го лансира Global Gateway Investment Hub, центар на едно место за компаниите да нудат инвестиции.
„Нашата почетна цел беше да мобилизираме 300 милијарди евра за 5 години. Веќе ја постигнавме таа цел. И уверена сум дека ќе надминеме 400 милијарди евра до 2027 година“, рече фон дер Лајен, додавајќи:
„Со Global Gateway, придобивките не се само взаемни – тие се и локални.“, додаде таа.
We are in an era of competitive, transactional global politics.
For Europe, the way forward is through partnerships.
Based on shared interests and respect for sovereignty.
This is what unites us here today.
This is Global Gateway ↓ https://t.co/H8IOYgy5ae
— Ursula von der Leyen (@vonderleyen) October 9, 2025