ФБИ идентификуваше 20-годишен маж од Пенсилванија како осомничен кој пукаше на предизборниот митинг на Трамп, објави репортер на Си-Ен-Ен на Х, цитирајќи извори.
ФБИ се уште не го објави името на осомничениот напаѓач, објави Си-Ен-Ен. Ројтерс не можеше веднаш да го потврди извештајот. ABC News јавува дека се работи за Томас Метју Крукс од Пенсилванија.
Осомничениот немал идентификација, според неколку извори од органите на редот, пишува Си-Ен-Ен.
ФБИ пукањето на митингот на поранешниот претседател Доналд Трамп во саботата вечерта го прогласи за обид за атентат.
„Вечерва го имавме она што го нарекуваме обид за атентат врз нашиот поранешен претседател Доналд Трамп. Сè уште е активно место на злосторство“, рече специјалниот агент задолжен за теренската канцеларија на ФБИ во Питсбург, Кевин Роек.
Во моментов нема опасност по пукањето, рече тој.
ФБИ испрати истражители, тимови за собирање докази и друг персонал од целата земја, рече тој.
Трамп беше полесно ранет во напад на предизборен митинг во Пенсилванија, кој ќе биде истражен како обид за атентат.
Неколку истрели одекнаа околу пет минути откако Трамп го започна својот говор на митинг на отворено во градот Батлер.
Поранешниот претседател го држеше десното уво кога агентите на тајната служба се упатија кон бината и го легнаа под подиумот, штитејќи го со своите тела.
Портпаролот на Трамп, Стивен Чеунг, рече дека на поранешниот претседател „добро му оди“.
„Претседателот Трамп им се заблагодарува на органите за спроведување на законот и на итните служби за нивната брза реакција за време на овој грозоморен чин. „Тој е добро и моментално е на преглед во локална медицинска установа“, рече Чеунг.