Кинескиот магазин CarNewsChina објави дека „Донгфенг“ ќе користи хуманоидни роботи во комбинација со вештачка интелигенција на производната линија за комерцијални возила. За разлика од претходните улоги, на овие роботи ќе им се доверат многу понежни задачи отколку обична манипулација со тешки предмети и едноставни дејства.
Роботите сега ќе бидат активни на самата производна линија, логистички операции, па дури и инспекција. Роботите се испорачуваат од компанијата Ubtech Technology. Станува збор за варијација на роботот по име Walker S..
Тој е висок 1,7 метри, приближно во човечки пропорции и се очекува да извршува задачи во производството на возила како што се проверка на бравите и безбедносните појаси, полнење масло, ставање ознаки и проверка на квалитетот. Ќе може да управува и со одредени помошни уреди.
Како што објави IThome, роботот е опремен со дури 41 спој управуван од серво мотор, а освен перцепција на сила, има и сензори за вид и слух. Покрај навигацијата низ просторот, роботот има можност да комуницира со централниот систем на фабриката, вклучувајќи и размена на информации во реално време.