Платформата Х, порано позната како Твитер, лансира наменска апликација за видео ТВ, изјави извршната директорка на компанијата Линда Јакарино.
Имено, како што сподели на нејзиниот официјален X профил, ТВ апликацијата ќе биде „ваш најдобар придружник за висококвалитетно, извонредно забавно искуство на поголем екран“. Понатаму беше наведено дека апликацијата ќе има сличен алгоритам на X, но за видеа, што ќе им овозможи на корисниците да ја приспособат содржината врз основа на нивните преференции.
From the small screen to the big screen X is changing everything. Soon we’ll bring real-time, engaging content to your smart TVs with the X TV App. This will be your go-to companion for a high-quality, immersive entertainment experience on a larger screen. We’re still building it… pic.twitter.com/QhG6cVDpZ8
— Linda Yaccarino (@lindayaX) April 23, 2024
Апликацијата ќе добие и теми со вештачка интелигенција за организирање видеа по тема за поперсонализирано искуство, рече Јакарино.
Се вели дека апликацијата „X TV“ поддржува меѓуплатформска функција, која ќе им овозможи на корисниците да продолжат да гледаат видеа на нивните телевизори што ги лансирале на апликацијата за паметни телефони. Покрај тоа, Јакарино рече дека апликацијата ќе има подобрено пребарување на видео и лесно префрлување на големиот екран од паметните телефони.
Платформата X не објави план за воведување, но рече дека апликацијата ќе биде достапна на паметните телевизори.