По претставувањето на новата Series 1 (F70), BMW ја подготви и новата Series 2 Gran Coupe (F74), чии први слики можевме да ги видиме на почетокот на август благодарение на кинеското Министерство за индустрија и информатичка технологија. Сега, сепак, автомобилот е официјално претставен.
Дизајнот на новата Series 2 Gran Coupee не претставува револуција, но благодарение на новиот дизајн на светлата и опционалната маска Iconic Glow со осветлена околина, разликата во однос на претходникот е обезбедена.
Забележете овде дека верзијата M235 xDrive има свој дизајн на предни „бубрези“.
M235 xDrive исто така има посебен пристап кога станува збор за погонот, бидејќи кога ќе биде лансиран во март 2025 година ќе биде единствената опција со погон на четири тркала; сите други варијанти имаат погон на предните тркала.
Со должина од 4546 mm, новиот BMW Series 2 Gran Coupee е 20 милиметри подолг од неговиот претходник. Ширина е 1800 mm, висина 1445 mm (+ 25 mm), додека меѓуоскиното растојание останува 2670 mm.
Палетата на мотори првично вклучува бензински верзии 220 и M235, како и два дизел мотори во верзиите 218d и 220d.
Во пролетта 2025 година ќе следат уште два бензински мотори, имено BMW 223 Gran Coupe со 218 КС и почетниот модел 216 со 120 КС.
Верзијата 218d има 150 КС, 220d има 163 КС, а бензинскиот 220 има 170 КС.
На врвот е BMW M235 xDrive со 300 КС и 400 Nm, кој од 0 до 100 km/h забрзува за 4,9 секунди. Оваа верзија доаѓа и со 19-инчни тркала, спортска суспензија и спортски седишта.
Новиот BMW 2 Series Gran Coupe ќе се произведува во фабриката на BMW Group во Лајпциг, а лансирањето на пазарот ќе започне во март 2025 година.
Цените ќе започнуваат од околу 36.500 евра.