Шпанската атлетичарка Лаура Гарсија-Каро веројатно го доживеа најнепријатното изненадување во кариерата. Имено, таа само на два метри пред да ја помине целта, ги крена рацете и го прослави освојувањето на медалот…
На самиот старт на Европското првенство во атлетика, кое се одржува во Рим, видовме неколку многу интересни и драматични трки, а особено тензичен беше финишот на трката на 20 километри брзо одење.
По речиси 90 минути трка низ улиците на Рим, Лаура Гарсија-Каро влезе кон крајот на трката чувствувајќи се како освојувачка на медал. Шпанката славеше со знамето околу вратот и ги крена рацете верувајќи дека бронзата е нејзина.
Сепак, Гарсија-Каро не виде дека Украинката Људмила Ољановска се прикрадува зад неа, со што успеа да ја претекне и да ја мине целта пред неа.
„Бев уморна на последниот километар и на последните метри, но толку многу сакав да го освојам овој медал за мојата земја“, рекла Ољановска по трката.
На овој начин таа ја освои бронзата, а Гарсија Каро остана во неверување што ѝ се случило.
Златото ѝ припадна на Италијанката Антонела Палмисано, додека среброто го освои нејзината сонародничка Валентина Траплети.
Disaster! 😱
Rule number one: don't celebrate too early! 😬#Roma2024 #IgniteTheFire pic.twitter.com/neqiuXoEz3
— European Athletics (@EuroAthletics) June 7, 2024