Украинското воено разузнавање (ГУР) објави видео од нападот во кој е елиминиран рускиот офицер Василиј Марзоев, син на генерал-полковник Аркадиј Марзоев, обвинет за воени злосторства против цивили во Херсон. Ликвидацијата се случила во Василевскиот округ во Запорошката област, објави Укринформ.
Локацијата на операторот на беспилотното летало на руските сили ја откриле борци на беспилотната единица ГУР за време на воздушно извидување на 15 октомври. Позицијата се наоѓала во близина на селото Плавни на Запорошкиот фронт.
Откако разузнавачката работа доби прецизни координати, врз целта била фрлена бомба, при што загинале руски војници. „Во времето на ударот, позицијата ја окупирал рускиот поручник Василиј Марзоев, командант на вод на 108-от Воздушно-десантен полк на 7-мата воздушно-јуришна дивизија на Руската армија“, се вели во соопштението.
Објавените снимки вклучуваат и сцени од самиот напад, во кои, покрај Марзоев, биле убиени и други руски војници. Снимката содржи и фотографија од Василиј Марзоев, придружена со зборовите „си беше еднаш еден млад поручник“.
ГУР забележа дека убиениот офицер е син на генерал-полковник Аркадиј Марзоев, командант на 18-та комбинирана армија на Јужниот воен округ на Русија.
Russian Lieutenant General, former commander of the Black Sea Fleet coastal defense army corps, has been notified of suspicion
Arkady Marzoyev, a resident of the Moscow region, is charged with managing the occupation of the Kherson region, which led to the death and injury of… pic.twitter.com/DlY9emuvvk
— 🇺🇦 paolo (@paolobucci18) August 24, 2024
Безбедносната служба на Украина претходно документирала злосторства извршени од пет високи руски воени офицери, вклучувајќи го и генералот Марзоев.
Тој е обвинет за учество во масовното гранатирање на ослободените области на Херсонскиот регион додека бил командант на 22-от армиски корпус на крајбрежните сили на руската Црноморска флота.