Според пишувањата на украинските медиуми, Украинската безбедносна служба спроведе успешна специјална операција длабоко на територијата на Русија, при што беа погодени најмалку четири воени објекти, меѓу кои и аеродроми со стратешко значење. Операцијата, именувана „Мрежа“, била планирана повеќе од година и пол, а нејзиното извршување претставува сериозен удар за руската армија. Според украинските медиуми, штетата се проценува на над 500 милиони американски долари.
Ukraine’s strikes today on multiple Russian airbases was codenamed “Operation Web,” involved more than a year and a half of planning.
Ukrainian FPV drones were hidden in false cargo containers and launched near the Russian airfields, per Ihor Lachenkov. pic.twitter.com/Juqiz06wtR
— OSINTtechnical (@Osinttechnical) June 1, 2025
https://t.co/ABsecmpkVE pic.twitter.com/w5dIxekQa3
— OSINTtechnical (@Osinttechnical) June 1, 2025
Главна цел на нападите биле стратешки бомбардери и други значајни елементи на руската воена авијација. Во рамки на операцијата, украинските сили користеле камиони специјално опремени со панели за испорака на FPV-беспилотни летала. Овие камиони биле внесени длабоко во Русија – на неколку илјади километри од украинската територија. Откако дроновите биле позиционирани блиску до целите, по неколку дена биле активирани и насочени од далечина кон руските аеродроми.
На фотографиите објавени од украински воени блогери за првпат може да се видат специјалните панели во камионите, кои служеле како мобилни бази за FPV-дроновите. Операцијата „Мрежа“ ја затекна руската страна неподготвена – и разузнавачките служби и системите за воздушна одбрана не успеале да ја предвидат или спречат акцијата. Овој напад уште еднаш потврдува дека украинските сили имаат капацитет да нанесат значајни удари врз руската воена инфраструктура, дури и без директна употреба на западно вооружување.
Според воени аналитичари, ова е еден од најсложените и најуспешни напади извршени од украинска страна од почетокот на војната – софистициран, долгорочно планиран и со прецизен удар во срцето на руската воена моќ.