Памела Андерсон пристигна на Мет Гала 2025 во придружба на нејзиниот син, Брендон Томас Ли, и со својот изглед го привлече вниманието на сите присутни. И додека Брендон се одлучи за класичен црн костум со лептир машна и бела кошула, неговата мајка се истакна со долг сребрен фустан, украсен со светки и циркони. Косата ѝ беше кратко потстрижена, а на лицето немаше шминка, бидејќи Памела веќе со години негува природен изглед.
Двајцата ја надополнија својата појава со скапи детали. Памела носеше дијамантска ушна манжетна тешка 17,45 карати и дијамантски обетки што ги носеше на минатогодишната Мет Гала. Низ својот стил, Памела не го заборавила ниту синот, кој носеше брош со дијаманти од 15,45 карати.
„Пандора ги преработи дијамантите од минатогодишното издание во нови парчиња, дури направија и нешто за Брендон. Тоа е нова приказна раскажана со истите камења“, изјави Памела за InStyle.
