По незаборавниот одмор во Шпанија, каде престојуваше на Ибица, поп-ѕвездата Северина продолжи со своето патување во Италија. Таму ја посети живописната ривиера во Портофино, исто така уживаше во историскиот шарм на Сиена, а престојот го заокружи со посета на Џенова, каде ја разгледа куќата за која се верува дека некогаш му припаѓала на славниот морепловец Кристофер Колумбо.
View this post on Instagram
„Најслатко е кога ништо не се прави“, напиша 53-годишната пејачка во описот на една од фотографиите на Инстаграм, пренесувајќи дел од својата релаксирана атмосфера на социјалните мрежи.
Во објавата откри дека не патува сама – со неа е и нејзината внука Миа Поповиќ, која ѝ се придружила уште во Шпанија. Миа е ќерка на сестрата на Северина, Маријана, и неколку години живеела со пејачката додека студирала во Загреб. Двете се многу блиски, и покрај тоа што во минатото семејството се соочило со сериозни недоразбирања.
Имено, пред три години дошло до инцидент меѓу Северина и нејзината сестра Маријана во семејниот стан каде што живее нивната мајка Ана. Според сведоштвото на Ана, Маријана наводно дошла ненадејно и започнала агресивно однесување, а ситуацијата ескалирала до точка на физички судир. Тоа, според Ана, не било прв пат да дојде до ваков конфликт. Во медиумите подоцна проговори и адвокатот на Северина, а во приказната бил вклучен и бизнисменот Милан Поповиќ, татко на нејзиниот син. И покрај семејните превирања, Северина денес изгледа смирено и среќно, уживајќи во патувањата и времето поминато со најблиските.