Бред Пит и неговата девојка Инес де Рамон го привлекоа вниманието на присутните на црвениот тепих во Њујорк за време на премиерата на филмот „Ф1“ во кој Пит ја има главната улога.
Инес особено се истакна со својот аутфит, па за оваа пригода избра бела елегантна модна комбинација која го откриваше нејзиното деколте и стомак. Пит позираше насмеан покрај неа во елегантен темно син костум. Парот позираше во прегратка, а сите очи на присутните беа вперени во нив.
Во добро расположение, многумина ги окарактеризираа како среќни и опуштени. Пит официјално ја заврши својата разводна битка со Анџелина Џоли пред неколку месеци.
It's a revved-up date night for Brad Pitt and GF Ines de Ramon at the NYC premiere of #F1Movie! ❤️🏎️ pic.twitter.com/XYvd65FHuN
— ExtraTV (@extratv) June 16, 2025
Актерот е во врска со Инес од 2022 година, а извори блиски до него претходно потврдија дека е „заљубен до глава“ и сериозно размислува да ја има во својот живот на долг рок.
„Тој сè уште верува во бракот и дури наговести дека е подготвен да го направи следниот чекор со Инес“, претходно изјавил извор близок до актерот за „Ин туч“.
Според изворот, Бред е подготвен да има уште деца, и покрај тоа што е во слаб контакт со децата што ги има со Анџелина Џоли.
Де Рамон се преселил кај Бред во Лос Анџелес во февруари оваа година, а оттогаш работите станале посериозни бидејќи го поминале летото во „Шато Миравал“, француска винарија што актерот претходно ја делел со поранешната сопруга Анџелина Џоли.