Уште еден модифициран BMW M4 пристигнува од компанијата за тјунинг G-Power, тука во кабриолет верзија.
За почеток, 3,0-литарскиот двотурбо шестцилиндричен мотор по нивниот третман има 529 kW/720 КС и 850 Nm вртежен момент, доволно за максимални 330 km/h.
Достапни се и тркала Hurricane RR или Hurricane RS од 20 и 21 инчи (гуми 285/30 и 295/25), посилни сопирачки, модифицирано потпирање (автомобилот е понизок до 40 mm), спортски издувен систем од не’рѓосувачки челик, хауба со отвори за воздух, аеродинамичен пакет од карбонски влакна (вклучувајќи ја хаубата GP-VENTURI и предната решетка GP-SHURIKEN) и рафиниран ентериер (волан со лого на G-Power, карбонски влакна, велур подни простирки…).
Што се однесува до цената, овој пакет од 720 КС чини 35.700 евра во Германија, но достапни се и поевтини пакети (со 600 КС, 620 КС, 650 КС, 670 КС и 700 КС).