Четири лица се повредени во пожар што избувна во 22-катница во Лондон, јавуваат британските медиуми. Според извештаите на „Сан“, пожарот започнал на третиот кат од еден стан, кој бил целосно уништен.
Осум противпожарни возила и околу 60 пожарникари биле ангажирани за гаснење на пожарот. Четири лица биле хоспитализирани како мерка на претпазливост. Лондонската противпожарна бригада информира дека пожарот е ставен под контрола.
Eight fire engines and 60 firefighters have tackled a fire on Commercial Street in #Spitalfields.
The fire is now under control, but traffic is impacted by road closures from Commercial Street to Aldgate High Street – please avoid the area if you can.https://t.co/0YeA8VJaBc pic.twitter.com/UxWxeL72Nd
— London Fire Brigade (@LondonFire) June 16, 2024
Причината за пожарот сè уште не е позната, а сведоци тврдат дека пламенот бил изгаснат во рок од 45 минути откако биле примени 21 повик поврзан со пожарот.
Противпожарната единица користела вртлива скала од 32 метри за гаснење на пожарот одозгора. Четирисобниот стан е уништен, а оштетени се половина од балконот и дел од покривот на станот.
„Луѓето беа навистина загрижени дека пожарот ќе се прошири, никој не знаеше што ќе се случи. Имаше многу пожарникари и за среќа го фатија пред да се прошири,“ изјави случаен минувач.