Килијан Марфи ја освои најпрестижната награда за која сонува секој актер и ја напушти церемонијата на Оскар со златна статуетка во рака. Најдобриот актер на годината според изборот на Академијата сега постигна уште еден значаен дострел.
Имено, ѕвездата на филмот „Опенхајмер“ стана заштитно лице на луксузната модна куќа Versace, за која позираше во елегантен костум усогласен со бела вратоврска и машна – комбинација носена на Оскарите.
„Воодушевен сум што Килијан му се придружува на семејството Versace. Тој е навистина исклучителен актер и целосно го заслужува Оскарот. Воодушевена сум што ни се придружува“, објави креативниот директор на оваа позната и престижна модна куќа – Донатела Версаче.
Ова е само најава за главната кампања во која ќе ги претстават луксузните парчиња од новата машка колекција Versace Icons, дизајнирани во класичен, безвременски стил.
„Има магнетна привлечност и го одзема здивот пред камерата. Уживав да гледам како му вдахнува нов живот на Versace“, додаде Донатела.
Во согласност со кампањата, Марфи носеше костуми на Versace во текот на сезоната на награди, а тие беа направени по нарачка и прилагодени за него.
Освоените награди, како и оваа кампања, практично преку ноќ го претворија Килијан Марфи во најбараниот актер, а неговата машка елеганција го направи најпосакуваното лице за речиси секој бренд.