Xiaomi го лансираше својот прв електричен SUV, YU7, во обид директно да се натпреварува со Model Y на Tesla. Почетната цена е 253.500 јуани, или околу 35.360 американски долари, малку поевтино од Tesla.
Првите нарачки беа импресивни, по само три минути, информациите за претходна нарачка покажаа дека YU7 има регистрирано повеќе од 200.000 барања, а во рок од еден час достигна речиси 289.000 нарачки, што повторно го стимулираше растот на акциите на Xiaomi. Таквиот интерес зборува за исклучително солидна побарувачка, а за кинескиот пазар ова е голем сигнал дека Xiaomi е подготвен да се бори со најголемите.
Техничките спецификации на YU7 се импресивни. Достапен е во три верзии, Standard, Pro и Max, при што основната верзија, со LFP батерија од 96,3 kWh и погон на задните тркала, нуди автономија до 835 km според кинескиот CLTC стандард и забрзување до 100 km/h за 5,9 секунди.
Двете помоќни верзии нудат погон на сите тркала и забрзување до 100 km/h за 4,3 и 3,2 секунди, соодветно. Особено е значајно екстремно брзото полнење, Max верзијата се полни од 10 до 80 проценти за само 12 минути благодарение на технологијата 5.2C.
NEWS: Xiaomi has officially launched the YU7 SUV in China today, its second EV.
It starts at 253,500 yuan ($35,320 USD), $1,400 less than the Model Y. Within just 3 minutes, Xiaomi secured 200,000 pre-orders, breaking all previous records for a car launch in China.
Specs:
•… pic.twitter.com/0UNQv9fTOl— Sawyer Merritt (@SawyerMerritt) June 26, 2025
Должината на возилото надминува пет метри, а меѓуоскиното растојание е 3 метри, додека кабината е богата со дигитална содржина: двоен голем екран, напреден HUD, масажни седишта од кожа Nappa и интеграција на домашниот екосистем.
Присутни се LiDAR, 4D радар и Nvidia DRIVE, што укажува на сериозната технолошка амбиција на Xiaomi да се фокусира на безбедноста и автономното возење.
Xiaomi сè уште не е присутен во Европа и нема да биде толку наскоро, едвај успеваат да ги задоволат апетитите на Кина.