Германски Билд неодамна објави приказна што одекна во светот: поранешниот фудбалер Бастијан Швајнштајгер (39) беше виден на Мајорка во прегратка на својата нова наводна партнерка, среде гласини за раскинување со поранешната тенисерка Ана Ивановиќ (37).
На фотографиите објавени од Билд, Швајнштајгер е на плажа со непозната жена. Наводната двојка се држи за раце, разменува бакнежи и не ја крие својата блискост. Идентитетот на жената набрзо беше откриен – станува збор за Бугарката Силва, мајка на две деца и поранешна инфлуенсерка која промовираше фитнес програми за жени по бременоста.
Bastijan Švajnštajger fotografisan sa ljubavnicom (foto: BILD) pic.twitter.com/QUI7wKtrwa
— Balkan Sports (@BalkanSports) June 5, 2025
Според Билд, Силва живее на Мајорка, а нејзините деца одат во истото училиште како и децата на Швајнштајгер и Ана Ивановиќ. Таму поранешниот германски репрезентативец наводно ја запознал својата нова партнерка. Нивното зближување, тврди извор близок до двојката, започнало пред неколку месеци и оттогаш прераснало во сериозна врска.
„Бастијан речиси секој момент го поминува со Силва. Откако се запознаа преку децата, брзо се поврзаа. Неколку месеци подоцна, тој раскина со Ана“, изјави неименуван извор за „Билд“. Се додава дека Швајнштајгер веќе се иселил од семејниот дом и отпатувал со Силва на романтично патување во Мароко – истата дестинација што ја посетуваше со Ана во претходните години.