Сидни Свини, сите се согласуваат, имаше едно од највпечатливите модни изданија на овогодинешните Оскари, а тоа е стил кој всушност е виден порано.
Според многумина, една од најубавите холивудски русокоси, заедно со Маргот Роби секако, била многу забележлива на традиционалната забава за Оскар на Vanity Fair благодарение на креацијата која ја носела пред 20 години Анџелина Џоли.
Откако Џенифер Лоренс го врати во живот фустанот на „Живанши“ од 1996 година на вчерашното доделување на Оскарите на Vanity Fair after party, Сиднеј Свини реши да најде инспирација во модните архиви.
Sydney Sweeney x archival Marc Bouwer originally worn by Angelina Jolie to the Academy Awards in 2004. pic.twitter.com/bGqX8PtQ9X
— Sydney Sweeney fans (@SSydneyBest) March 11, 2024
26-годишната ѕвезда на „Еуфорија“ воодушеви во истиот фустан на Марк Бувер што Џоли го носеше на Оскарите во 2004 година. Интересно, иако поминаа две децении, тој предизвикувачки фустан е сепак многу шик! Длабоко деколте, прекрасни кроеви, лелеава ткаенина и елегантна, безвременска нијанса – можеме да кажеме дека ова е одржлива мода во својот најдобар случај.
Сидни го надополни стајлингот со слоевит ѓердан кој многу наликува на накитот на Анџелина Џоли. Со изборот на овој фустан и стилизирањето на истиот начин, Свини и нејзината стилистка Моли Дикинсон сакаа јасно да покажат колку го ценат прославениот изглед на убавата Анџелина.
Русокосата актерка ги воодушеви сите со овој изглед, кој го комплетираше со драматично пократка фризура, боб стилизиран во меки бранови и елегантна вечерна шминка, потсетувајќи многумина на легендарната Мерлин Монро со своето елегантно издание.