Сопругот на тенисерката Серена Вилијамс и ко-основачот на Редит, Алексис Оханијан (41) откри дека неодамна бил опериран поради „сомнителни јазли“ на тироидната жлезда за кои лекарите му рекле дека може да станaт канцерогени. Оханијан на Инстаграм објави три фотографии, првата е од болница, а на останатите се неговата 7-годишна ќерка Олимпија и 15-месечната ќерка Адира, кои ги има со тенисерката.
„Откако следев некои сомнителни јазли на мојата тироидна жлезда во изминатите четири години, неодамна ми беа отстранети половина од нив хируршки. Јазлите стануваа се поголеми и последната биопсија покажа дека е голема веројатноста да станат канцерогени. Мајка ми имаше рак на дојка околу возраста, а потоа таа на крајот почина од рак на мозокот десет години подоцна, мразам рак“, напиша тој во описот.
„Не сакав да ризикувам. Особено сум благодарен за овој Ден на благодарноста бидејќи утрово ми се јавија со потврда дека половината од тироидната жлезда што ми беше отстранета навистина е полна со некои грутки јазли кои многу веројатно ќе станат канцерогени. Најлошиот дел, да бидам искрен, е што не можам да вежбам во теретана две недели, но големиот човек ќе се врати следната недела. Ги одведов моите девојки во Дизни ворлд оваа недела, така што животот е убав. Мажи, закажете ги тие прегледи на лекар, особено ако имате деца“, заклучил тој.
Алексис и претходно имал здравствени проблеми. Во јули оваа година тој откри дека му била дијагностицирана Лајмска болест. „Неверојатно. Нема симптоми, за среќа, но планирам третман“, откри тогаш Алексис.
Оханијан рече дека иако има семејна историја на болеста, тој бил изненаден од дијагнозата. „Еден близок беше болен пред неколку години, се појавија еден куп симптоми, но тие не знаеја што е тоа додека не го тестираа за ова и не дознаа што е тоа. Успешно го лекуваа“, објасни тој.
Инаку, Лајмската болест е предизвикана од Борелија, бактерија која ја носи крлежот, па луѓето обично се инфицираат од неговиот каснување. Болеста може да се лекува, а ако е порана фаза може да дојде до целосно закрепнување за 10 до 14 дена со антибиотици.
Да потсетиме, Серена и Алексис се запознале во 2015 година во хотел во Рим. Набрзо се заљубиле и почнале да излегуваат. По една година врска, тие се верија и се венчаа во 2017 година.