Актерката Ана де Армас ги отфрли шпекулациите за нова романса со колегата Том Круз кога се прошета низ Мадрид со Мануел Анида Куеста, посинок на кубанскиот претседател Мигел Дијаз-Канел Бермудез.
Парот се држеше за раце и уживаше во времето заедно, пренесува Hola!
Ana de Armas was spotted strolling through Madrid with her boyfriend, Manuel Anido Cuesta. The two cozied up over hot drinks, with Ana rocking a brown leather biker coat. Their outing comes just days after she was seen having dinner with Tom Cruise on Valentine’s Day. 👀 pic.twitter.com/OUzfPKAqmT
— Celebrity Crash Course 🍬 (@purenostalgiaf) February 17, 2025
Романсата меѓу Армас и Куеста, како што пишувавме претходно, наиде на бројни критики. Актерката беше обвинета дека излегувала со „посинок на диктатор“ и покрај тоа што на 18 години ја напуштила Куба токму поради диктатурата и лошите услови за живот и се преселила во Шпанија за да продолжи со успешна актерска кариера.
Новото момче на актерката, синот на сопругата на претседателот од претходниот брак, исто така е обвинет дека живее луксузен и раскошен живот во странство, додека мнозинството од населението во Куба живее во сиромаштија.
Патем, актерката и Куеста првпат ги поттикнаа гласините за нивната романса во ноември 2024 година, кога фотограф ги фати како разменуваат нежности на улиците на Мадрид. Тие се уште јавно не ја објавиле својата врска ниту пак се појавиле заедно на настани.