Вселенското летало „Одисеја“ ќе се обиде да слета на Месечината вечерва, нешто пред полноќ по наше време. Тоа е првиот обид на САД за слетување на Месечината по повеќе од половина век и крајот на програмата Аполо во 1972 година.
– „Одисеј“, беспилотната лунарна сонда на компанијата Intuitive Machines, треба да се обиде да слета во областа на Јужниот пол во 22:30 UTC (што е 23:30 по средноевропско време). Следете го преносот во живо додека научните инструменти за проучување на регионот пристигнуваат на Месечината, објави американската агенција НАСА на мрежата X.
НАСА, со која Intuitive Machines има договор за оваа мисија, најави и директен пренос од слетувањето во кратерот Малаперт А во регионот на Јужниот пол.
Odysseus, @Int_Machines’ uncrewed Moon lander, is targeted to touch down at the lunar South Pole at 5:30pm ET (2230 UTC) Feb. 22. Watch live with us as this Moon delivery brings science instruments to study the region. https://t.co/7U0WfJG56b pic.twitter.com/9JXBdD4y6K
— NASA (@NASA) February 22, 2024
„Одисеј“ синоќа успешно влезе во орбитата на Месечината и оттаму ги испрати првите слики кои беа поставени на мрежата Х.
– „Одисеј“ прелета покрај блиската страна на Месечината откако влезе во орбитата на Месечината на 21 февруари 2024 година. Сондата е во одлична состојба дури и во орбитата на Месечината, соопшти Intuitive Machines.
„Одисеј“ полета од Земјата на 15 февруари со ракета Фалкон 9 од вселенскиот центар Кенеди во Флорида. Ова е втор обид на американска приватна компанија да ја освои Месечината оваа година. Претходниот, со вселенското летало Peregrine, доживеа дебакл веќе во орбитата, кога откажа резервоарот за гориво.
Odysseus passes over the near side of the Moon following lunar orbit insertion on 21FEB2024. The lander continues to be in excellent health in lunar orbit.
(21FEB2024 1608 CST) pic.twitter.com/UX4kgkv5EW— Intuitive Machines (@Int_Machines) February 21, 2024
Досега само пет земји успеаја да извршат таканаречено меко слетување на Месечината – СССР, САД, Кина, Индија и Јапонија. Сепак, интересно е што двете земји кои први го освоија Земјиниот сателит – Советскиот Сојуз (Русија) и Америка – не го направија тоа повторно од 1970-тите, додека во 21 век успеаја азиските сили Кина, Индија и Јапонија.