Култниот божиќен филм „Сам дома“ веќе 30 години нè воодушевува на секој празник, а неговиот херој, малиот Кевин Мекалистер, полека, но сигурно влегува во срцата на сите. Многумина се сеќаваат и на крадците од филмот. Станува збор за Марв и Хари, кои ги отелотворија актерите Даниел Стерн и Џо Пески.
Актерот Даниел Стерн, кој во филмот го игра Марв, снимил уште неколку филмови, иако сите помалку успешни од „Сам дома“. Но, овој актер се занимава и со режија и уметност, а во 2009 година ја доби наградата Call to Service од поранешниот американски претседател Барак Обама.
Во филмот, крадците често беа жртви на стапиците на Кевин, кои често оставале последици по нивните тела, како што е, на пример, отпечатокот на врела пегла на лицето. Во една прилика, Даниел се наврати на повредите кои ги добил за време на снимањето, а кои не биле само филмска магија и шминка.
„Беше како да играме спорт. Не ве болат повредите затоа што се забавувате. Добив силен удар во нос и крварев кога морав да ја протнам главата низ вратичката за кучиња. Морав да ја извадам брзо, но се заглавив со мојот голем нос“, се сеќава тој.
Стерн му се посвети на семејството. Тој е во брак со Лаура Матос од 1980 година и има три исклучително успешни деца. Неговиот син Хенри Стерн е член на Сенатот на државата Калифорнија од 2016 година, а има и две ќерки, Ела и Софи Стерн.
Даниел не останал во контакт со Меколи Калкин, кој го играше Кевин, но е близок со Џо Пески, кој го играше Хари. Тој постигна значително поголем успех од другите по улогата на Лајм, па глумеше во филмовите „My Cousin Vinny“, „Casino“ и „Lethal Weapon 3 и 4“.
Тој откри дека се здобил со сериозни изгореници откако му ја запалиле главата во една сцена. Џо повторно го видовме во овогодинешниот филм „Bupkiss“, во кој глумеше покрај комичарот Пит Дејвидсон и Еди Фалко, најпозната по улогата на Кармела во „Сопранови“. Ова беше првпат за Џо на големото платно по 30 години.
80-годишниот Пески беше во брак три пати, вклучително и со манекенката Клаудија Харо, ѕвездата на Плејбој и актерка Енџи Еверхарт. Неговото богатство се проценува на околу 50 милиони долари.