Крис Мартин, фронтменот на британскиот бенд Колдплеј, веќе неколку години е во врска со актерката Дакота Џонсон. Пред неа, Мартин беше во брак со холивудската ѕвезда Гвинет Палтроу, со која има две деца.
По разводот, двајцата останаа во одлични односи и важат за еден од најубавите примери дека и по разделбата двајца луѓе можат нормално да функционираат.
Освен одличните односи меѓу Крис и Гвинет, сега е потврдено и дека Дакота е во пријателски односи и со поранешната сопруга на нејзиното момче.
Имено, двете го поминале викендот заедно, славејќи го Денот на благодарноста, а потоа се појавила фотографија на која се држат за рака.
Да потсетиме, Дакота потекнува од актерско семејство – нејзиниот татко е познатиот Дон Џонсон, а нејзината мајка е Мелани Грифит.
Гвинет и Крис беа во брак од 2003 до 2014 година. По разводот, актерката започна врска со продуцентот Бред Фалчук, со кој се омажи во 2018 година.