Apple претстави нов додаток во ограничено издание за своите iPhone уреди, наречен iPhone Pocket.
Тоа е еден вид чанта што се преклопува преку телото, изработена од 3D плетена конструкција со ребреста мрежеста структура и може да собере iPhone, AirPods и други мали секојдневни потреби.
Овој моден додаток е создаден во соработка со легендарното дизајнерско студио Issey Miyake, познато по култните црни ролки што ги носеше Стив Џобс.
Pocket може да се носи како чанта за преку рамо или на зглобот, а може да се закачи и на чанти. Достапна е во верзии со краток и долг ремен и е компатибилна со сите iPhone уреди, почнувајќи од iPhone 8, како и со сите модели на слушалки AirPods.
Apple has launched the new iPhone Pocket, a new limited edition designer strap accessory 🚨
You can order one today and will be available this Friday in either short or long sizes for $149.95 and $229.95 respectively pic.twitter.com/dg3sjs6xKI
— Apple Hub (@theapplehub) November 11, 2025
Верзијата со краток ремен доаѓа во лимета жолта, портокалова, виолетова, розова, тиркизна, кралско сина, цимет кафеава и црна боја, по цена од 150 долари. Моделот со долг ремен е достапен во кралско сина, цимет кафеава и црна боја, по цена од 230 долари.
iPhone Pocket ќе биде достапен ограничено време во продавниците на Apple на одредени пазари, вклучувајќи ги Франција, Италија, Велика Британија, САД, Кина и Јапонија.