Volkswagen продолжува да ја нуди R верзијата на Golf, во уште помоќна верзија.
Со дополнителни 14 КС или вкупно 333 КС, ова е најмоќниот Golf во историјата. Секако, станува збор за верзијата R, чија продажба во Германија започнува веќе на 3 јули.
Очекувано, новата верзија R се базира на неодамна освеженото издание на осмата генерација, од кое ги превзема светлата на Led Plus, осветленото лого на брендот и графиката на задните светла. Факултативна декорација се тркалата Warmenau од 19 инчи.
Стандардната опрема вклучува дигитален кокпит со дијагонала од 26 cm, по што следи инфозабавен екран со дијагонала од 32,8 cm. Сè друго важно, вклучувајќи ги и седиштата, го носи потписот R и е целосно подредено на спортското искуство на автомобилот.
Покрај 333 КС, треба да се споменат и 420 Nm максимален вртежен момент. Погонот е 4motion, а менувачот е седумстепен DSG. Доколку го изберете пакетот E-Performance, очекувајте максималната брзина да се зголеми на 270 km/h.
Она за што не треба да доплаќате е багажник со волумен до 1.642 l. Имено, верзијата R е достапна и на караванот, што значи дека Golf влегува во ниша со мала конкуренција. Да ја споменеме и верзијата Black Edition со црни детали и вклучениот пакет R перформанси.
Познати се и цените за германскиот пазар. Верзијата R започнува од 53.795 евра, караван Variant почнува од 55.065, а специјалната Black Edition од 58.440 евра.