Netflix го објави првиот тизер за политичкaта минисерија Zero Day, создадена од Ерик Њуман, Ноа Опенхајм и Мајкл С. Шмит, а во режија на Лесли Линке Глатер.
Во неа играат Роберт Де Ниро и Анџела Басет, а Де Ниро го игра Џорџ Мулен, поранешен претседател на Соединетите Американски Држави.
Во шест епизоди од минисеријата, гледачите ќе ја следат приказната за Мулен, кој ја предводи Zero Day комисијата и е соочен со задачата да ги пронајде сторителите на разорниот сајбер напад кој предизвика хаос во земјата и илјадници смртни случаи.
Додека дезинформациите неконтролирано излегуваат, а личните амбиции на технолошките моќници, Вол Стрит и владите се судираат, немилосрдната потрага по вистината на Мален го принудува да се соочи со своите мрачни тајни, ризикувајќи се што му е драго.
Заедно со Де Ниро и Басет, во серијата играат Џеси Племонс, Лизи Каплан, Кони Бритон, Ден Стивенс, Метју Модин и Џоан Ален. Минисеријата ќе има премиера на Netflix на 20 февруари 2025 година, а сите епизоди ќе бидат достапни за гледање веднаш.