ФБИ и Министерството за правда на САД ги објавија резултатите од внатрешната ревизија спроведена од високи функционери назначени од американскиот претседател Доналд Трамп. Според заклучоците од истрагата, немало тајна „листа на клиенти“, а Епштајн извршил самоубиство во 2019 година, како што првично утврдил медицинскиот испитувач од Њујорк.
Најновиот меморандум од Министерството за правда дополнително ја потврдува нивната верзија на настаните. Во документот се наведува дека властите прегледале десет часа видеа од затворската ќелија на Епштајн и дека овој материјал, според американските власти, недвосмислено докажува дека тој не бил убиен, туку се обесил додека чекал судење по обвинение за сексуална трговија со малолетници.
Независен преглед на снимката од страна на ФБИ потврди дека од времето кога Епштајн бил заклучен во својата ќелија околу 22:40 часот на 9 август 2019 година, до приближно 6:30 часот наутро следниот ден, никој не влегол на ниту еден кат од Специјалната единица за безбедност (SHU), според меморандум од ФБИ и Министерството за правда.
„Овој систематски преглед не откри никаква инкриминирачка „листа на клиенти“. Ниту, пак, пронајде никакви веродостојни докази дека Епштајн уценувал истакнати поединци како дел од неговите активности.“
Десетчасовната снимка е достапна ТУКА.