Обожавателите на серијата Suits конечно ја добија веста која долго ја чекаа. Габриел Махт, кој го играше неповторливиот Харви Спектер, се враќа на својата култна улога во претстојниот спин-оф, Suits: LA.
Махт, кој беше еден од главните актери и извршен продуцент на серијата, ќе се појави во ограничена улога во текот на трите епизоди на спин-офот. Иако тој нема да се приклучи на серијата како постојан лик, неговото присуство сигурно ќе ја воодушеви публиката.
Според извештајот на Deadline, Харви ќе се појави во приказната како поранешен обвинител, што совршено се вклопува со неговата оригинална позадина пред да влезе во светот на корпоративното право. Неговото враќање е поврзано со главниот лик Тед Блек, кој го игра Стивен Амел. Тед е поранешен федерален обвинител кој сега води адвокатска фирма во Лос Анџелес, борејќи се за моќни клиенти и свој опстанок.
Махт го најави своето враќање на својот Инстаграм профил со видео од препознатливата воведна тема на серијата Suits, пишувајќи: „Кога на еден стар пријател му треба помош… време е да ги исправиме работите“.
Откако серијата Suits постави рекорди на гледаност во 2023 година со неверојатни 57,7 милијарди минути на Нетфликс, беше најавен спин-оф.
Последен пат го видовме Харви како ја напушта својата адвокатска канцеларија во Њујорк и се пресели во Сиетл со Дона (Сара Раферти) за да му се придружи на Мајк Рос (Патрик Џ. Адамс). Сега новите предизвици ќе го донесат во Лос Анџелес.