Бен Афлек беше снимен со неговата асистентка Џиџи Фоке, а судејќи по снимките, тој не изгледа расположен.
И двајцата беа во лежерни есенски комбинации – Бен носеше темноцрвена кадифена јакна и маслинесто сиви панталони, додека Џиџи носеше црн топ со долги ракави. Таа и актерот соработуваа на неколку негови неодамнешни филмови, вклучувајќи го и документарниот филм за Џенифер Лопез, This Is Me… Now.
Според „Дејли Мејл“, Афлек моментално има неколку филмови во најава, а еден од нив е криминалистичкиот трилер RIP, во кој повторно ќе се соедини со својот долгогодишен соработник и пријател Мет Дејмон.
Неодамна Афлек повторно ги загрижи своите обожаватели откако во јавноста се појавија фотографии направени од американски папараци. Тие, всушност, го прикажуваат познатиот актер како излегува од центар за рехабилитација во Калифорнија, а од претходно е познато дека Бен се лекувал и во неколку наврати бил на рехабилитација поради злоупотреба на алкохол.