Добро познат факт е дека принцот Хари е опуштен и духовит… Но, сега и тој ги помести своите граници! 40-годишниот принц Хари реши да направи голем чекор и на вратот го истетовира симболот поврзан со неговиот проект наречен „Invictus Games“.
На Инстаграм профилот „Invictus Games“ се појави видео на кое го гледаме Хари како пристигнува во студио за тетовирање во Њујорк и разговара со уметник за тетовирање. И додека чека и разговара со уметникот за тетоважи, кантри ѕвездата Џели Рол влегува во салонот и открива како дошол за да го тетовира британскиот принц „во егзил“.
„Дали знаете дека не можев да верувам кога ми се јавија и ми рекоа дека принцот Хари сака тетоважа денес?“, рече Џели Рол, откривајќи дека сака да го истетовира принцот Хари.
Иако принцот ја отфрла идејата музичарот да го тетовира, тој се согласува со договорот: настап во замена за тетоважа!
Принцот Хари во видеото признал дека долго размислувал за тетоважата и каде да ја постави – на долниот дел од грбот или на задникот, но на крајот се одлучил за вратот за сите да ја видат тетоважата.
Духовитото видео е секако само тизер од кампањата која ги најавува следните чекори на принцот Хари во неговиот омилен проект, а реакциите се поделени.
Иако успеа да предизвика интерес кај гледачите, многумина беа изненадени што во снимањето учествуваше Џели Рол, музичар кој го поддржуваше Доналд Трамп на неодамнешните претседателски избори, кој отворено се закануваше дека ќе го депортира Хари во Обединетото Кралство.
Сепак, следбениците се согласуваат: клипот е успешна промоција и Хари всушност има актерски талент!