Речиси 300 навивачи на Пари Сен Жермен беа уапсени синоќа во француската престолнина по финалето на Лигата на шампионите во кое „Светците“ го декласираа Интер и ја освоија европската титула.
Екипата на Луис Енрике славеше со резултат од 5:0, а прославата на европската титула во Париз не помина како што се очекуваше. Наместо песни и прослави, видовме вистинска анархија на улиците на главниот град. Прославата беше одбележана со бројни инциденти на неколку локации во Париз, па полицијата мораше да интервенира доцна во ноќта.
🇫🇷 Clashes between rioters and police still ongoing at 2AM in Paris.
A car hit a cyclist and his passenger. Two more fans were also hit by a car.
An unknown assaults a firefighter pic.twitter.com/bCs7A9bwlO
— Adam Kruś (@adam_krus) June 1, 2025
Инцидентите главно се случија во квартот Порт де Сен Клу, како и на Шанзелизе, а според податоците од париската полиција, по немирите беа уапсени 294 лица. Многумина поседуваа пиротехнички средства и запаливи материјали, па полицијата мораше да користи водни топови и солзавец како заштита.
🇫🇷 Clashes between #rioters and police still ongoing at 2AM in #Paris.
A car hit a cyclist and his passenger. Two more fans were also hit by a car
An unknown assaults a firefighter. pic.twitter.com/pjc6Njg1Ho— Uncensored News (@Uncensorednewsw) June 1, 2025
На Плоштадот Етоал, демонстрантите ја пробија полициската бариера, а на Шанзелизе беше запален автомобил, а продавница за чевли беше ограбена.
Во Порт де Сен Клу, два автомобила беа запалени, а автобуска станица беше вандализирана.