Кинеската компанија Unitree Robotics официјално го претстави моделот на хуманоиден робот со ознака R1, кој чини 5.900 долари и е достапен за индивидуални развивачи и купувачи.
R1 се промовира под слоганот „роден за спорт“, а видеото го прикажува како оди на раце, удира, лежи, стои, трча надолу и слично. Роботот е висок 121 см и тежи 25 кг, а има вкупно 26 зглобови. Unitree не откри други детали.
Со цена од 5.900 долари, R1 стана најевтиниот робот на Unitree. Претходните модели, G1, кој е висок 130 см и тежи 35, и H1, кој е висок 180 см и тежи 47 кг, чинеа 13.838 и 90.858 долари, соодветно.
Овие цени се попристапни од оние што ги нудат другите кинески конкуренти. Во март, UBTech Robotic лансираше хуманоиден робот за истражувачки цели за 41.795 долари, додека Engine AI го лансираше моделот PM01 за 12.300 долари, но тој е висок само 138 см.
Американската компанија Tesla разви робот наречен Optimus, кој сè уште не е комерцијално достапен и би можел да биде поскап од R1. Во јануари, основачот и извршен директор на компанијата, Илон Маск, рече дека трошоците за производство би можеле да бидат под 20.000 долари ако годишното производство достигне еден милион единици, иако конечната цена ќе биде одредена од побарувачката на пазарот. Компанијата планира да произведе неколку илјади единици оваа година.
Но, постојат модели кои се попристапни од R1. Минатиот месец, заедницата на вештачка интелигенција Hugging Face претстави робот со отворен код во полна големина. Тоа е HopeJR, кој чини само 3.000 долари.