Експлозија на автомобил во руската престолнина Москва уби три лица, објави Скај њуз. Истражната агенција потврди дека двајца полицајци и уште едно лице биле во автомобилот.
Како што дознава Гардијан, властите претходно изјавија дека експлозијата се случила во близина на местото каде што претходно оваа недела беше убиен генерал-потполковник Фанил Сарваров.
Снимките емитувани на руската телевизија покажаа дека областа е опколена со полициска лента и голем број полицајци на местото на настанот. Сведоците изјавија дека експлозијата се случила околу 1:30 часот по локално време.
Смртоносната експлозија се случи само неколку дена откако руски генерал беше убиен во напад со автомобил-бомба пред станбен комплекс. Да потсетиме, генерал-потполковник Фанил Сарваров, началник на одделот за оперативна обука на Генералштабот на руските вооружени сили, беше убиен во експлозија на улицата Јасеневаја во Москва. Светлана Петренко, официјален претставник на Истражниот комитет на Русија, ја потврди оваа информација за ТАСС.
Таа истакна дека активираната експлозивна направа била поставена под возилото. Началникот на одделот за оперативна обука на Генералштабот на руските вооружени сили починал од повредите.