Спасувачите се пробија до 41 индиски работник кои повеќе од две недели беа заробени во разурнат тунел во индискиот дел на Хималаите.
Надлежните велат дека сега ќе ги извлекуваат еден по еден преку цевка со дијаметар од 90 сантиметри која ја провлекле низ урнатините на тунелот.
Работниците со ниски плати од најсиромашните држави во Индија се заробени во тунелот долг 4,5 метри во Утараханд од 12 ноември. Преку цевки добивале храна, вода, светлина, кислород и лекови, пишува Би-Би-Си.
Огромна машина за бушење, увезена од САД, која хоризонтално дупчеше низ урнатините, се расипа во петокот откако удри во метална бариера. Властите соопштија дека машината се поправа, а во меѓувреме 200 спасувачи рачно бушеа и отстрануваа остатоци. Националната управа за управување со катастрофи (НДМА) вчера објави дека спасувачите почнале вертикално да ја бушат шуплината на тунелот во кој се заробени работниците.
Геолозите предупредија дека вертикалното бушење е „голем ризик“ бидејќи силните вибрации предизвикани од дупчењето надолу може да претставуваат „огромна закана“ и да го дестабилизираат околниот терен, каде што живеат други луѓе.
Претставниците на НДМА потврдија дека вертикалното бушење започнало во неделата попладне.