Маж е уапсен откако со возило пробил низ оградата на луксузната вила на Џенифер Анистон во Бел Ер, вредна 21 милион долари.
Во времето на инцидентот, актерката била во вилата. Осомничениот маж, за кој се верува дека е во седумдесеттите години, влегол во имотот на актерката вчера со автомобил.
Според извештајот на TMZ, обезбедувањето веднаш реагирало, го извлекло мажот од возилото и го држело под закана со пиштол додека не пристигнала полицијата во Лос Анџелес.
An intruder has been taken into custody by LAPD after crashing through the front gate of Jennifer Aniston’s Bel Air mansion.
The intruder was taken down by private security. Jennifer Aniston was home at the time. pic.twitter.com/fFKsPGN1No
— Kevin Dalton (@TheKevinDalton) May 5, 2025
Портпаролот на полицијата во Лос Анџелес, Џеф Ли, изјави дека полицајците реагирале околу 12:30 часот по пријава за лице „кое пробило низ влезната врата на домот со автомобил“.
Полицијата потврди дека Анистон немала контакт со осомничениот и дека не е повредена. Мажот ќе биде обвинет за кривично дело оштетување на имот, иако не влегол во вилата.
Истрагата за ова кривично дело е во тек, а дотичниот човек има криминално досие. Сепак, врз основа на досегашните докази, не е утврдено дека тој лично ја таргетирал Анистон.