Актерката Џенифер Анистон на Инстаграм се прости од починатиот Метју Пери со кој глумеше во хит серијата „Пријатели“, која ги одбележа нивните животи.
Откако Мет Лебланк и Кортни Кокс се простија од починатиот пријател Метју Пери на Инстаграм, тоа го направи и Џенифер Анистон, која на своите фанови им покажа емотивна порака која тој ѝ ја испратил во една прилика.
„Оваа рана е длабока… Да се збогувам со нашиот Мети беше луд бран емоции што никогаш порано не сум ги почувствувала. Сите изгубивме некого во нашите животи. Чувствувавме загуба на живот или загуба на љубов. Способноста да седиме во оваа тага ни овозможува да почувствуваме моменти на радост и благодарност што сме сакале некого толку длабоко. И ние го сакавме длабоко. Тој беше дел од нашата ДНК. Секогаш бевме ние шест. Ова беше избрано семејство кое засекогаш го смени правецот на тоа кои сме и какво ќе биде нашето патување. Мети знаеше дека сака да ги насмее луѓето. Како што велеше и самиот, ако не слушнеше смеа, мислеше дека ќе умре. Неговиот живот буквално зависеше од тоа. И успеа во тоа. Не насмеа сите. И тоа многу се смеевме. Последниве неколку недели ги препрочитувам пораките што си ги праќавме. Се смеев, плачев и пак се смеев. Ќе ги чувам засекогаш. Најдов една порака која ми ја испрати од нигде никаде еден ден, кажува се. (Погледни го вториот слајд…). Разговарам со тебе секој ден… Понекогаш речиси можам да те слушнам како ми велиш: ‘Можеш ли да бидеш полуда?’ Одмори, помал брату. Секогаш ми ги разубавуваше деновите…“, напиша Џенифер во трогателната објава.