📽Ова е највалканиот автомобил во светот

На тест-полигонот на Форд „You Yangs“ во австралиската држава Викторија, прототип на камион „Ренџер Супер Дути“ беше подложен на тестирање кое симулираше најлоши можни услови за работа, како што се оние што се наоѓаат во рударските области и на тешки теренски патишта.

Целта беше едноставна: да се покрие камионот со што е можно повеќе кал и да се види дали може да продолжи да работи под дополнителното оптоварување.

Во текот на неколку дена возење по специјално подготвена патека, возилото поминало низ длабоки вдлабнатини, калливи барички и глина. Секој нов слој кал се оставал да се исуши пред следното возење. Резултатот – дури 600 килограми сува кал се насобрале на каросеријата и шасијата.