Porsche претходно најави дека производството на електричниот Macan ќе се одвива во фабриката во Лајпциг, Германија, додека сега најави дека неговата официјална промоција ќе се одржи на 25 јануари.
Со цел да се подготви за производство на целосно електричниот SUV, Porsche во последните години ја надградуваше локацијата во Лајпциг.
Целиот производствен капацитет веќе целосно се напојува со електрична енергија од обновливи извори, а во иднина германскиот производител на автомобили ќе може на истата производна линија да произведува модели со внатрешно согорување, хибридни возила и Macan EV.
Macan EV ќе биде изграден на платформата „Premium Platform Electric“ (PPE) на Porsche и Audi, при што Macan EV ќе користи електрична архитектура од 800V.
Porsche исто така наведува дека коефициентот на отпор Cd е само 0,25.
Macan EV ќе се напојува со два електрични мотори со вкупно 612 КС и 1000 Nm (во врвната верзија), додека литиум-јонските батерии се 100 kWh (на брз полнач, 22 минути ќе бидат доволни за полнење 10- 80% од капацитетот).
Досегот со едно полнење во сите верзии ќе биде повеќе од 500 километри.