Актерката Софија Вергара стана хит на социјалните мрежи откако и се развика на колешката добитничка на наградата Џоди Фостер на „Златните глобуси“, пренесе E News.
Имено, откако беше обелоденето дека Фостер ја доби наградата за најдобра актерка во ограничена криминална серија „True Detective: Night Country“, Софија Вергара извика: „Не, не!“ Потоа, Џоди излезе на сцената и го започна својот говор за прифаќање. „Дај ми еден“, повторно се пошегува Вергара, предизвикувајќи смеа кај сите присутни.
„Знам, знам“, ѝ одговори Џоди, насмевнувајќи се за момент.
@theinsiderloop Sofia Vergara is the best! She jokingly reacts to losing her #GoldenGlobes nomination: “No, no, give me one!” 😂 #theinsiderloop #GoldenGlobes #jodiefoster #sofiavergara ♬ original sound – theinsiderloop
Фостер во својот говор ги спомена сите номинирани од категоријата најдобри актерки во ограничени серии – Кејт Бланшет, Кристин Милиоти, Наоми Вотс, Кејт Винслет и Софија Вергара, а потоа емотивно им се заблагодари на семејството, сопругата Александра Хедисон и децата Чарли и Кит.
„Мои момци, ве сакам и ова, се разбира, е за вас. И љубовта на мојот живот, Алекс. Ти благодарам, засекогаш“, рече таа на крајот од говорот.
Инаку, Софија Вергара беше номинирана за улогата на „кокаинската кума“ Гризелда Бланко во серијата на „Нетфликс“.