Ракетата „Starship“ на SpaceX, во сопственост на најбогатиот човек во светот, Илон Маск, експлодираше за време на она што требаше да биде рутински тест, за среќа без повредени.
„Starship“, кој се подготвуваше за својот десетти тест лет, доживеа голема аномалија додека беше на тест-локацијата во Starbase, напиша компанијата во порака на X, додавајќи дека безбедносната зона околу локацијата била одржувана во текот на целата операција и дека сите се безбедни и здрави.
Ова не е прв дефект на оваа ракета, со големина на 40-катна зграда и најмоќната во историјата. Минатиот месец, на 27 мај, „Starship“ успешно стигна до вселената, но нејзиното вселенско летало експлодираше пред закажаното спуштање на Земјата.
Во јануари и март, за време на два претходни тестови, врвот на ракетата експлодираше рано во летот, испраќајќи светлечки остатоци што летаа над Карибите и предизвикувајќи минимална штета.
Holy cow Starship pic.twitter.com/ch2R88wzs3
— Chris Combs (iterative design enjoyer) (@DrChrisCombs) June 19, 2025
Инцидентите се случуваат редовно и стануваат сè почести, со оглед на тоа што компанијата се потпира на ризична стратегија: лансирање повеќе прототипови за постепено да ги исправи проблемите за време на лансирањето и самото летување. Маск смета на оваа ракета за да го реализира својот амбициозен проект за освојување на Марс.
Елон Маск се етаблираше како клучен играч во вселенскиот сектор во последниве години. Вашингтон му довери и неколку клучни мисии во регионот, но иднината на тоа партнерство сега е неизвесна по неговата подеднакво експлозивна разделба со претседателот Доналд Трамп.