Најмалку 15 лица загинаа, а уште 7 беа повредени во пукањето во еден мексикански ноќен клуб.

Според очевидци, околу полноќ вооружени мажи нападнале во клубот La Playa Club во Саламанка и отвориле оган врз присутните. Потоа избегале.

Мотивите се уште се нејасни. Можеби ова е уште еден напад врз картелите за наркотици за кои земјата е позната.

Саламанка се наоѓа во централната провинција Гуанахуато, каде што властите спроведоа операција против криминалот. 

Ова е рекорд во споредба со 2017 година кога беа убиени 28.866 луѓе . Насилството се должи на војната меѓу нарко картелите.

Повеќе од 200.000 луѓе се убиени во Мексико, откако владата ја  мобилизираше борбата против дрога во 2006 година.

Поради високиот степен на криминал и илегална имиграција, американскиот претседател Доналд Трамп, како негов приоритет, ја определи изградбата на ѕидот долж границата. 

Сепак, проектот не беше поддржан од Демократите во Конгресот.