Едно од најдобрите решенија е да ја подготвите облеката од претходната вечер. На овој начин си заштедувате време наутро кога имате чувство дека навистина не може да се справите со сето тоа.
Често, сепак, дури и оваа подготовка е саботирана од малите и ситни проблеми со облеката, кои можат да бидат решавачки.
Наместо да се маскирате секој пат, подобро послушајте некои од нашите совети и ви ветуваме дека ќе бидете задоволни. Еве ги најчестите проблеми и нивните едноставни, инстант решенија.
1. Копчињата кои паѓаат
Убавата кошула одеднаш излегува со блага дупка, таму каде што паднало копчето. Не грижете се и едноставно прицврстете ги. За да си ги заштедите нервите, користете мала количина лак за нокти што ќе го ставите на секое копче таму каде што поминува конец. На овој начин нема да морате да го шиете на патот за канцеларија.
2. Патент без кочница
Патентот на вашите омилени фармерки може да биде спасен со еден многу лесен трик. Користете ја јамката од некој стар приврзок и протнете го крајот на патентот во неа. Откако ќе го затворите патентот догоре, закачете го на копчето и заглавете. Горниот дел од облеката ќе покрие мал трик и никој нема да забележи дека всушност сте имале проблем.
3. Слим фармерки
Сѐ уште времето не е сосема пролетно и мораме да носиме чизми. Ако имате проблем со премногу широкиот модел, свиткајте крај глуждот, обујте чорапи и потоа чевелот. На овој начин нема да ви смета вишокот тексас платно и ќе се чувствувате значително поудобно.