38 повредени од трагедијата во Кочани евакуирани во европски болници преку Механизмот за цивилна заштита на ЕУ

Преку Механизмот за цивилна заштита на Европската Унија, досега 38 повредени лица од трагичниот пожар во Кочани се евакуирани и сместени на лекување во болници низ Европа, соопштуваат од Делегацијата на Европската Унија во Македонија.

Македонските медицински тимови вложија огромни напори за стабилизирање и подготвување на пациентите за транспорт, а значителна поддршка за нивното евакуирање и медицински третман обезбедија Унгарија, Луксембург, Хрватска, Словенија, Литванија, Романија, Италија, Белгија, Полска, Шведска, Шпанија и Норвешка. стои во соопштението на Делегацијата на Европската Унија во Македонија.