40 милиони луѓе ширум светот се робови Две третини од нив се жени и деца од Третиот свет

Околу 40 милиони луѓе се жртви на модерното ропство, а најмногу од нив се жени и деца, покажува новата светска статистика за ропството, објавуа “Гардијан”. Податоците се од Меѓународната организација на трудот на ОН и Фондацијата Walk Free и се однесуваат за 2016 година.

Барем 24,9 милиони луѓе во светот се во стапицата на принудна работа, вклучувајќи 16 милиони во приватниот сектор, 4,1 милиони се жртви на принудна работа, наметнат од држава, вклучувајќи задолжителна воена служба и земјоделска работа. Уште 4.8 милиони луѓе се сексуално експлоатирани и 15.4 милиони се принудени да се омажат. Од вкупно 40,3 милиони робови 10 милиони се деца, покажува извештајот 2017 Estimates of Modern Slavery. Близу 25 милиони луѓе се на принудна работа како робови поради долг.

Повеќето случаи на ропство се регистрирани во Африка, Азија и Пацификот, иако овие резултати треба да се преземат “претпазливо” поради недостатокот на информации од арапските држави и западната хемисфера. Авторите на истражувањето откриле дека повеќе од 70% од 4,8 милиони жртви на сексуално ропство се во Азија и Пацификот, додека браковите за сметка преовладуваат во африканските држави. Информациите се собрани за период од пет години, вклучително и преку интервјуа со повеќе од 71.000 луѓе од 48 земји.

Вториот извештај во истото истражување покажува дека 71% од модерните робови се жени и деца. Од децата на возраст меѓу 5 и 17 години, приближно еден од секои 10 луѓе во светот се принудени да работат. Најмалку 64 милиони од нив се девојчиња и 88 милиони момчиња. Повеќето од нив се во Африка (72,1 милиони). Во Азија има 62 милиони, 10,7 милиони во Северна и Јужна Америка, 5,5 милиони во Европа и Централна Азија, 1,2 милиони во арапските земји. Околу една третина од децата на возраст меѓу 5 и 14 години кои работат се надвор од образовниот систем. Најмалку 38% од нив работат на ризик, а скоро 2/3 од оние меѓу 15 и 17 години работат повеќе од 43 часа неделно.

ПОВРЕДИ

Секоја година, околу 15.000-20.000 млади жени од Непал се жртви на киднапирања. Многу од нив се однесени во јавни домови во Индија, а други во рацете на трговците со органи, објави Дојче Веле.

Бруталност, понижување и суровост – така може да се каже приказната за 30-годишната Радиха. Таа е само 14 години, кога почнува нејзиното страдање и понижување. Го напуштила своето мало планинско село и отишла во Катманду за да побара работа. На нејзиното семејство итно му требало пари. Наивното девојче брзо паѓа во рацете на трговците на органи кои го одвлекуваат во Индија и му го одземат едниот бубрег. Радиха успева да се врати во Непал, но таму пак е принудена да се омажи за човек кој ја продава како секс робинка во Индија. Радиха успева да побегне од бордел во Мумбаи, каде повремено нејзините дозволуваат да се гледа со својот син. Таа скокнала со малиот од балконот и бега од шепите на трговците. Денес нејзиниот син има 15 години и веќе студира. “Но, тој сѐ уште има проблеми да зборува”, вели таа. Повеќето други киднапирани и продадени жени се водат за исчезнати.

ПОВРЕДИ

Слични содржини