Поминувате години во потрага по решение, собирате информации , трупате хипотези, но сликата сепак не е завршена … тогаш потсвеста го додава последниот генијален допир.
1. Периодниот систем
Менделеевго знаел сето познато за откриените во негово време 63 елементи. Тој ги запишал на карта имињата и атомски тежини со надеж да открие шема за нивното редењето. Но, како и да се мачел, не успеал. Велат дека работел три дена без прекин, додека конечно, веќе победен од замор, затворил очи да дремне. Наместо да потроши ден и половина во сон, како и повеќето жртви на ненаспаност, тој отскокнал само по минути. “Видов насон табела во која елементите одговараат на местата според сите барања – го опишува искуството научникот – Штом се разбудив, веднаш ја запишав на кратка хартија. Само на едно место подоцна требаше да направам корекција. ”
2. Yesterday
Пол Макартни е на 22, кога се буди” со пријатна мелодија во главата “и се прашува која е оваа песна. Брзо ја фаќа мелодијата на пијаното, но продолжува да е сигурен дека некогаш ја слушнал. Ја свири на најразлични луѓе, додека конечно се убедува дека ја измислил сам. Тогаш ги пипува и првичните зборови: “Scrambled eggs … oh, my baby, how I love your legs” Вистинскиот текст очигледно се појавува подоцна.
3. Чудовиштето на Франкенштајн
Во летото 1816 година, Мери Волстнкрафт Шели и сопругот Перси Биш Шели го посетуваат поетот Лорд Бајрон во неговата вила на брегот на Женевското Езеро. Заедно тие решаваат да направат литературна трка. Некое време Мери нема идеја, додека не се буди потресена од ужасен кошмар – “човек кој лежи исправено и постепено, под дејството на некој моќен мотор, покажува знаци на живот и се поместува со мачни, безживотни движења”. Таа брзо решава: “Она што ме ужаси мене, ќе ги ужаси и другите” – треба само да се опише кошмарот .
4. Иглата на машината за шиење
Елиас Хоу, основачот на модерната машина за шиење, се чудел како да ја стави иглата на новиот изум да работи. Конецот не можел да се вденува во основата, како кај рачната игла, а тоа изгледало како единствениот можен начин. Една ноќ тој сонува дека е заробен од човекојадци кои му даваат рок едно деноноќие да ја заврши машината. Тој не може да ја натера иглата да работи и се помирува со нерадостната судбина. И тогаш – додека го водат кон местото на егзекуцијата – забележува дека копиите на војниците се продупчени на врвот. “Дајте ми уште време” извикува тој и се буди. Било 4 часот наутро. Во 9 моделот на иглата со уво на врвот веќе бил подготвен.
5. ДНК
Џејмс Вотсон, Розалинда Френклин и Френсис Крик долго време ги изучуваат добиените преку рендгенска дифракција слики на долгите молекули, за утврдат како се структурирани, додека еден сон на Вотсон ги наведнува на идејата за двојната спирала. Според Универзитетот во Индијана, чиј дипломиран студент е Вотсон, тој сонувал две испреплетени змии со глави во спротивни краеви, според други верзии – противпожарни скали.