Има тенденција сè повеќе вработени луѓе да си носат кутии со ручек, наместо да се хранат во рестораните за брза храна во регионот на своите канцеларии. Поевтино и повкусно е, но и заштедува време.
Освен тоа многу родители секое утро мораат да подготват сендвичи за ручек на децата, на кои очигледно не им се допаѓа храната во училиштето. И во двата случаи сигурно идеите за оригинални и вкусни сендвичи се исцрпени.
Затоа ви нудиме неколку необични идеи за сендвичи со тортиља (можат да бидат направени и со арапски леб). Питката може да биде и интегрална.
Овие тортиља сендвичи се лесни за подготовка, а комбинациите кои ќе ви ги покажеме нема начин да не ви допаднат. Две од нив се погодни и за вегетаријанци.
Еве ги нашите 5 предлози:
Тортиља со мисиркино и меден сенф
Намачкајте ги тортиљите со сенф, може дижон или медениот. Посипете на нив рендано сирење чедар и подредете слој со парчиња од мисиркини гради. Можете да додадете исечено јаболко и листови марула.
Хавајска пица
Се мачка околу 1 лажица од вашиот сакана доматен сос врз тортиљите, а потоа ставете и рендан кашкавал или сирење моцарела. Одозгора додадете неколку парчиња шунка и парчиња ананас, сецкани.
Тортиља со латино вкус
Намачкајте ја мексиканската питка со крем сирење (може и со топено). Одозгора ставете 1 лажица салца сос, 1 лажица пасиран црн грав од конзерва, се сечат црни маслинки и ленти од црвена пиперка.
Тортиља за вегетаријанци
Намачкајте врз тортиљата лажица хумус, а одозгора посипете изрендани моркови, пиперка на ленти, парчиња краставица и листови марула / зелена салата.
Питка со мисиркино и песто
Намачкајте ја вашата тортиља со 1 лажица песто (може и варијанта со сушени домати), потоа одозгора наредете парчиња мисиркини гради (може и пилешки), краставици и листови марула или краставица.
Кон секој еден од сендвичите можете да додадете артишок, авокадо, парчиња круша, листови од бејби спанаќ, свеж домат или печени тиквички. .