Меѓу заробените лица во Мариупол, Украина, има и група турски државјани кои моментално се наоѓаат во џамија во градот, наведува турската влада, која побарала од Русија да помогне во нивна евакуација. Во саботата, украинското Министерство за надворешни работи соопшти дека руските сили ја гранатирале џамијата на Султан Сулејман, каде што се засолниле 86 Турци, меѓу кои 34 деца.
Турскиот министер за надворешни работи Мевлут Чавушоглу во неделата изјави дека автобусите чекаат на евакуација на турските граѓани „неколку дена“, но имале проблеми поради тековните борби во градот.
The Russian Army has shelled the Sultan Suleiman mosque in Mariupol, where 100 Turkish citizens are sheltered.
They sleep in the mosque since their homes have been destroyed in the Russian attacks.
Time for some more Bayraktar TB2 drone shipments?
🇺🇦🇹🇷pic.twitter.com/vhmstytLp4
— Visegrád 24 (@visegrad24) March 12, 2022
Говорејќи на прес-конференција во Анталија, тој рече дека апелирал до рускиот министер за надворешни работи Сергеј Лавров да ја поддржи евакуацијата и оти очекува „да постигне одреден напредок“ по ова прашање.
Џамијата на султанот Сулејман Величествениот и неговата сопруга султанката Хурем била гранатирана од руските сили, напиша Министерството за надворешни работи на Украина.
Претходните обиди за евакуација на луѓето од Мариупол, каде што хуманитарната ситуација е очајно потребна, пропаднаа, а Украинците и Русите меѓусебно се обвинуваат, јавува Би-Би-Си.
Чавушоглу истакна дека досега од Украина се евакуирани 14.480 турски државјани.