Бидејќи Виндоус 7 веќе е во пензија и Мајкрософт ги поддржува само Виндоус 8.1 и Виндоус 10, логично е ако сте корисник на Виндоус и сакате да останете, преминувањето на „десетката“, е токму затоа што ова е единствената верзија со која се гарантира добивање постојано ажурирање на поддршка и безбедност.
Сепак, префрлањето на Виндоус 10 е многу повеќе од неколку кликнувања. На пример, за компаниите, надградбата од претходната верзија на оперативниот систем на Виндоус 10 вклучува и други трошоци. За обичните корисници, работите одат многу полесно. Во нивниот случај, сето тоа се сведува на едноставна „миграција“ од стариот до новиот Виндоус. Сепак, и на едните и на другите им треба лиценца, пишува „Softpedia“.
– Луѓето веќе трошат многу пари за купување и опремување на нивниот компјутер. Повеќето корисници само пиратски го преземаат Виндоус и потоа го оставаат така, без активирање. Веќе заработувате доволно пари, не ја разбирам поентата на оваа висока цена на оперативниот систем – прашал еден корисник на форумот за поддршка на клиенти на Виндоус OS.
– Ако не може да биде бесплатно, нека Виндоус 10 хоум чини 10 долари, а Виндоус 10 Про може да чини 35 долари. Веројатно ќе заработите уште подобро, затоа што тогаш повеќе луѓе ќе сакаат да ги купат, вклучително и мене – додава истиот корисник, повикувајќи го Мајкрософт да го направи оперативниот систем подостапен за секого, пренесува b92.net.