Во соопштението на црногорската полициска управа се вели дека споменатите лица се лишени од слобода и биле приведени во Специјалното државно обвинителство, кое им одредило задржување во полициските простории сè додека не бидат изведени пред надлежниот истражен судија.
Постои основано сомнение дека А.М. го извршил кривичното дело така што како службено лице – јавен функционер, началник на Комуналната полиција и комунална инспекција на Општина Будва, ги злоупотребил службените овластувања така што на 17 јуни им наредил на комуналните полицајци да ја блокираат сообраќајницата на Јадранскиот пат во Будва со службени возила што ги користи оваа оваа служба спречувајќи го редовниот проток на сообраќај.
Покрај припадниците на Комуналната полиција со службени возила на компанијата „Водовод и канализација“, во сообраќајната блокада активно учествувал и осомничениот И.Џ. со што сериозно се кршат правата на граѓаните за слободно движење со блокирање на патот Будва-Тиват.
Во соопштението се додава дека било утврдено дека во текот на претходните денови за време на протестите на граѓаните пред и внатре во зградата на општина Будва, а по наредба на осомничениот началник на Комуналната полиција А.М, службеници на Комуналната полиција на Будва учествувале секој ден на тие протести.
Службеници на Службата за заштита и спасување на Општина Будва и општинската водоснабдувачка компанија исто така учествуваа во овие протести користејќи службени возила, а по налог на осомничениот А.М. беа користени и возила на Комуналната полиција.