Босанец уловил сом од скоро 100 килограми

Осум килограми недостасуваа за првиот официјален улов од 100 килограми сом оваа сезона.

Имено, Радослав Кечојевиќ фати огромна риба со тежина од 92 килограми и долга 245 сантиметри во Билечко езеро во БИХ.

За да може ова чудовиште да „излезе на суво“, му помогнал Александар Денда, рибар кој веќе е познат на риболовната популација во БиХ како мајстор на лов на сом на прекрасното Билечко езеро.